උඩමළුව
චෛත්‍ය රාජයාණන් වහන්සේ
චෛත්‍යරාජයාණන්‌ වහන්සේගේ කොත්‌ පලඳා ඇත්තේ බු:ව 2422 වර්ෂයේදී ය. ශ්‍රේෂ්ඨ පඬිවරයෙකු විසින්‌ රචනා කරන ලද කමනීය ගාථා පංතියක ඒ පිළිබඳ වර්ණනාවක්‌ දක්නට ලැබේ.
බුදුගෙය සහ බිතුසිතුවම්
රන්පැහැයෙන්‌ බබලන බුද්ධ ප්‍රතිමා තුනක්‌ ඇතුල්‌ මාලයේ දක්නට ලැබේ. පිටමාලයේ බිතුසිතුවම් කලාවිචාරකයන්ගේ නොමද ප්‍රශංසාවට ලක්වී ඇත. සමකාලීන ජනජීවිතය පිළිබඳ ජීවමාන සාධක ලෙස මෙම බිතුසිතුවම් අගය කරති. රන්කොත් විහාරයේ බිතුසිතුවම් අයත්‌ වනුයේ පශ්චාත්‌ මහනුවර යුගයේ පහතරට සිතුවම් කලාවටය. වර්ණ යොදා ගැනීමෙහිද විශේෂතා දක්නට ලැබේ. විශේෂයෙන්‌ තෝරාගත්‌ ජාතක කථා රාශියක්‌ සිතුවමට නගා තිබේ.
බෝධිඝරය (බෝ මළුව)
බෝධිඝරය ගොඩනගන ලද්දේ සැදැහැවත් දායක දායිකාවන්ගේ ආධාරයෙනි. එහි බුදුරජාණන් වහන්සේලා විසි අට නමකගේ බුද්ධරූප තැන්පත් කර තිබේ. අටවිසි බුද්ධ පූජා පවත්වනුයේ මෙහිදීය.
ධාතුමන්දිරය
රන්කොත් විහාරාධිපති අතිපූජනීය ගුණරතන මහනායක ස්වාමීන්ද්‍රයන් වහන්සේගේ අනුශාසනා පරිදි ධාතුමන්දිරය ගොඩ නගන ලදී. එහි සර්වඥ ධාතූන්වහන්සේලා සහ රහත් ධාතූන්වහන්සේලා වැඩසිටිති. කෞතුක වස්තු විශාල ප්‍රමාණයක් ඇත. බුරුම සහ සියම් ත්‍රිපිටකයන් තැන්පත් කර ඇත.
දේවාල
විහාරාධිපති ප්‍රමුඛ සැදැහැවතුන්ගේද ආධාරයෙන් දේවාල සංකීර්ණය සාදවන ලදී. එය දේවරූප සතකින් යුක්ත වේ. එමනිසා සප්තමහා දේවාලය නමින් හඳුන්වනු ලැබේ.
ඝණ්ඨාර කුළුණ
ඝණ්ඨාර කුළුණ සුවිශේෂ ලක්ෂණ වලින් හෙබි නිර්මාණයකි. සෑම පැත්තකම පිඟන් ගඩොල් වලින් අලංකාර කර තිබේ. ඉතා දුරට ඇසෙන ඝණ්ඨාරකින් සමන්විතය. පන්සලට පැමිණෙන සැදැහැවත්හු මෙය වාදනය කර ඉමහත් සතුටක් ලබති.
ධර්ම ශාලාව
ජෙරමියෙස් දියෙස් මැතිනිය, ජෝන් රුද්‍රිගෝ මැතිතුමා සහ පී.සී.එච්. දියෙස් මැතිතුමා ගේ දායකත්වයෙන් සාදා නිමකළ ධර්ම ශාලාව 1933 දී විවෘත කරන ලදී. ඉන් පසුව චිත්‍රසේන රුද්‍රිගු ප්‍රමුඛ ඔහුගේ ඥාති සහෝදර සහෝදරියන් ධර්ම ශාලාව අලුත්වැඩියා කල අතර, දේවා ප්‍රනාන්දු මහතාගේ දායකත්වයෙන් එහි වහල අලුත්වැඩියා කරන ලදී. 2020 වසරේ මෙම ධර්ම ශාලාව ජෙරමියෙස් දියෙස් අරමුදලින් යලිත් ප්‍රතිසංස්කරණය කරන ලදී.
අවුරුදු 200+ රූප මන්දිරය සහ බිතු සිතුවම් රැකගනිමු
ඊළඟ පරම්පරාවන් සඳහා අපගේ සංස්කෘතික උරුමය ආරක්ෂා කිරීමට දායක වන්න
"පාණදුර රන්කොත් විහාරය එහි විවිධ පැතිකඩයන් අතර පාණදුර බෞද්ධ ජනගහනයේ ආගමික හා භක්තියේ සංකේතයක් ද වේ."
~පූජ්‍ය මහාචාර්ය බෙලන්විල විමලරතන මහනායක තෙර
Spectrum, Sunday Observer (2010/10/03)
ස්ථානය
444 ආතර් වී. ඩයස් මාවත, පාණදුර
.svg)
.svg)
වෙබ් අඩවිය නිර්මාණයට සම්පත් දායකත්වය
ඩ්‍රෝන් ඡායාරූප හා වීඩියෝකරණය
ප්‍රගීත් විමලරත්න
නිශ්චල ඡායාරූපකරණය
වීඩියෝ සංස්කරණය
Design and Development